Konte Miami-Dade ap travay an patenarya ak yon kantite minisipalite Miami-Dade nan jefò sa yo, enkli Hialeah, Coral Gables, Homestead, North Miami Beach, North Miami, Miami, Miami Beach, Miami Springs, Sweetwater, South Miami, Pinecrest, Florida City, Aventura, Golden Beach, El Portal, Miami Shores, North Bay Village, Bay Harbor Island, Surfside, Indian Creek ak Lekòl Piblik Miami-Dade yo. (Minisipalite yo va deside sou sit pou koleksyonnen pa yo, ki petèt pap enkli estasyon polis, ponpye oswa bibliyotèk yo.)

Majistra Alvarez te di konsa, “Genyen yon gran jefò kap sòti de toupatou pou kominote Ayisyèn la epi rezidan nou yo ap chèche mwayen ak fason ke yo kapab bay patisipasyon pa yo. Konte Miami-Dade fyè pou li rantre an patenarya ak lòt kominote yo nan jefò sa a kap fèt alawonnbadè nan konte an.”

“Ayiti bezwen anpil bagay kounyeya epi Konte Miami-Dade plis ke pare pou ba li tout sa ki pou sove lavi pèp la kap soufri” Komisyonè Audrey Edmonson tap esplike.  “Don yo se jis yon mwayen nou genyen pou nou demontre Ayiti ak pèp li a tout sipò nou.”

Ak tout ke bibliyotèk yo ap fèmen jou lendi 18 janvye 2010 la pou obzève Anivèsè Dr. Martin Luther King Day, sikisal bibliyotèk sa yo va asepte don yo jou dimanch 17 janvye 2010 la ak lendi 18 janvye a, de 1 pm a 5 pm.

Pou plis enfòmasyon sou sit kap koleksyonnen yo, rezidan yo mèt rele 3-1-1 oswa ale sou www.miamidade.gov.

**Konte Miami-Dade ap kontinye ankouraje don monet atravè Lakwa Wouj oswa lòt ajans òganizasyon èd entènasyonal.